Interi ka njoftuar zyrtarisht transferimin e Piotr Zielinskit, i cili ishte lojtar i lirë pasi kontrata e tij me Napolin skadoi.

Reprezentuesi polak ra dakord për kushtet personale muaj më parë dhe nënshkroi një marrëveshje deri në qershor të vitit 2028, raporton KosovaPress.

Ai e kaloi praktikisht të gjithë karrierën e tij në Itali, fillimisht erdhi në ekipin e të rinjve të Udineses në vitin 2011, më pas me një periudhë huazimi te Empoli nga viti 2014 në 2016.

Zielinski u shit te Napoli për 16 milionë euro në verën e 2016 dhe qëndroi atje për tetë vjet, duke fituar titullin e kampionit të Serie A dhe Kupën e Italisë.

Mesfushori mbushi 30 vjeç në maj dhe ishte pjesë e skuadrës së Polonisë që mori pjesë në EURO 2024, e eliminuar në fazën e grupeve.