Afrim Tovërlani nuk është më trajner i FC Prishtinës.

Lajmi është bërë i ditur nga vetë klubi përmes një njoftimi zyrtar në Facebook, ku thuhet se trajneri Toverlani ka dhënë dorëheqjen menjëherë pas ndeshjes kundër KF Ferizaj. Tovërlani ka marrë përgjegjësinë e plotë për rezultatet e fundit të skuadrës, duke mbyllur kështu aventurën e tij që nisi në nëntorin e kaluar.

Klubi kryeqytetas e ka falënderuar trajnerin për profesionalizmin e treguar, ndërsa ka paralajmëruar se emri i pasardhësit të tij do të bëhet i ditur në ditët në vijim.