Zonja e parë e Ukrainës, Olena Zelensky, komentoi sulmin e Rusisë në termocentralin bërthamor në Zaporizhzhya, duke thënë se një shpërthim do të shkaktonte një tragjedi shumë më të madhe se ngjarjet e Çernobilit.

“Zjarri në termocentralin bërthamor të Zaporizhzhya është rezultat i granatimeve ruse mbrëmë. E gjithë bota e di për tragjedinë e Çernobilit. Termocentrali bërthamor i Zaporizhzhya është disa herë më i madh dhe më i fuqishëm. Një shpërthim do të shkaktonte gjashtë herë më shumë fatkeqësi se Çernobili. Natyrisht, kjo është ajo që dëshiron agresori”, shkroi Olena Zelenska, duke shtuar se presidenti rus po ringjall kërcënimin e tij bërthamor.

Rrezatimi nuk ka kufij. Kjo katastrofë do të prekë të gjithë: Rusinë, Evropën dhe mbarë botën nëse ndodh. Por ne nuk jemi Putin, nuk duam që fëmijët e botës të sëmuren nga rrezatimi!”, tha ajo.

“Inxhinierët ukrainas të energjisë rrezikojnë jetën e tyre nën sulm, duke bërë gjithçka për të ruajtur sigurinë. Pa ekzagjerim – po shpëtojnë botën për momentin”, ka postuar Olena Zelensky në Instagramin e saj.