Tre persona kanë kërkuar ndihmë mjekësore, në mesin e tyre edhe një fëmijë si pasojë e një zjarri që ka shpërthyer mëngjesin e së shtunës në një ndërtesë banimi në Prishtinë.

KosovaPress mëson se në mesin e të lënduarve është edhe një fëmijë. Ndërkohë, të gjithë banorët tjerë janë larguar nga ndërtesa.

Ndërkohë, zjarri që përfshiu njërën nga banesat në ndërtesën e cila ndodhet në rrugën Isa Kastrati, është zgjeruar duke përfshirë edhe një banës tjetër.

Policia dhe zjarrfikësit kanë dal në vendin e ngjarjes. Këta të fundit po mundohen ta lokalizojnë zjarrin.

Sipas Policisë së Kosovës, incidenti ka ndodhur rreth orës 07:30 në rrugën "Isa Kastrati".

Zëdhënësja e Policisë për rajonin e Prishtinës, Flora Ahmeti, bëri të ditur se menjëherë pas pranimit të informatës, në vendin e ngjarjes kanë dalë njësitet policore, ekipet e zjarrfikësve dhe ekipet mjekësore.

Si pasojë e zjarrit, tre persona kanë pranuar trajtim mjekësor.