Sulmuesi kosovar mbërriti në qendrën stërvitoren të Juventusit me “bishën” e tij, duke bërë që disa tifozë të pranishëm të ndalen për ta përshëndetur dhe për të kërkuar autografe. Zhegrova nuk i zhgënjeu ata, ai u ndal dhe u dha autografe tifozëve të “Zonjës së Vjetër”.

Edhe pse nuk ka pasur shumë minuta në fushë së fundmi me gjigantin italian, tifozët bardhezi vazhdojnë ta mbështesin futbollistin nga Kosova. Paraqitja e tij dhe sjellja miqësore me tifozët vetëm sa e rrit popullaritetin e tij në mesin e mbështetësve të klubit torinez.

KosovaPress