Në Nepal u mbajt të enjten zgjedhja e parë kombëtare që nga kryengritja e dhunshme e udhëhequr nga të rinjtë (Gjenerata Z) në shtator, e cila rrëzoi qeverinë. Votimi ishte paqësor, me masa të rrepta sigurie dhe pjesëmarrje të lartë të qytetarëve.

Rreth 19 milionë votues të regjistruar zgjodhën drejtpërdrejt 165 anëtarë të Dhomës së Përfaqësuesve, ndërsa 110 vende të tjera do të shpallen me sistem proporcional, shkruan AP, transmeton KosovaPress.

Protestat kundër korrupsionit dhe qeverisjes së dobët nisën pas një ndalimi të mediave sociale dhe u shndërruan në një kryengritje popullore, ku dhjetëra persona humbën jetën dhe qindra u plagosën gjatë përleshjeve me policinë.