Yllit brazilian ia drejtojnë armën në kokë teksa po i vidhnin makinën
Sport
Lexohet për: 2 min.
Fred (40), ish-lojtar i kombëtares braziliane, ka përjetuar një situatë të tmerrshme në Rio De Zhaneiro.
Sulmuesi i pensionuar, i cili sot punon si drejtor i departamentit të sportit të Fluminense, po kthehej në shtëpi nga stadiumi "Maracana" pas fitores së klubit të tij ndaj Sao Paulos (1:0).
Në orët e vona të natës nga e mërkura deri të enjten, kur mbaroi mbledhjen e klubit, ai u ndalua nga një bandë në rrugën e qytetit. Njëri nga grabitësit i drejtoi një armë në kokë, pas së cilës Fred u largua nga makina dhe u shtri në tokë me duart në kokë.
Ai kaloi rreth 20 sekonda në një pozicion të tillë para se të kërkonte ndihmë, ndërkohë që anëtarët e bandës ishin larguar tashmë me makinën e tij.
Daily Mail shkruan se tre persona me një makinë të bardhë kanë ndjekur Fredin, ndërsa dy të tjerë me motoçikleta kanë ndjekur për të parë nëse po vinte policia. Përveç makinës, Fredit i është vjedhur edhe celulari.
Fred, emri i plotë i të cilit është Frederico Chaves Guedes, është një legjendë e Fluminense dhe golashënuesi i dytë më i mirë në histori me 199 gola në të gjitha garat.
Gjatë karrierës së tij, ai ka luajtur edhe për Cruzeiro, Lyon dhe Atletico Mineiro. Ai grumbulloi 39 paraqitje dhe 18 gola për kombëtaren braziliane. Ndër të tjera, ai luajti në kampionatet botërore në vitet 2006 dhe 2014.
