Kyle Walker ka njoftuar tërheqjen e tij nga futbolli ndërkombëtar pasi humbi vendin e tij në skuadrën e Anglisë të Thomas Tuchel përpara Kupës së Botës së kësaj vere.

Mbrojtësi i djathtë 35-vjeçar luajti 96 ndeshje për Anglinë pasi debutoi në nëntor 2011 dhe luajti nën drejtimin e katër trajnerëve: Fabio Capello, Roy Hodgson, Gareth Southgate dhe Tuchel.

Walker, i cili iu bashkua Burnley verën e kaluar, tha: "Të luaj për Anglinë ka qenë gjithmonë nderi më i madh i karrierës sime. Sa herë që vishja fanellën, kjo do të thoshte shumë për mua dhe familjen time".

"Pas shumë mendimesh, ky duket si momenti i duhur për t'u larguar dhe për t'i lejuar brezit të ardhshëm të lojtarëve të dalë përpara" shtoi Walker.

Trajneri i Anglisë, Tuchel, tha: "E di që të gjithë tifozët e Anglisë do të bashkohen me mua për të përgëzuar Kyle për një karrierë të jashtëzakonshme ndërkombëtare".

"Një karrierë ndërkombëtare që përfshin 14 vjet dhe pesë turne të mëdhenj është dëshmi e përkushtimit të Kyle. Ai mund të kujtojë kohën e tij me Tre Luanët me shumë krenari" shtoi Tuchel.