Kandidati për deputet nga radhët e Partisë Demokratike të Kosovës (PDK), Xhevdet Pantina, ka theksuar rëndësinë e ruajtjes së kujtesës historike si bazë për ndërtimin e së ardhmes së vendit.

Pantina ka vlerësuar se historia e Kosovës nuk duhet të mbetet vetëm në arkiva, por të jetë e pranishme në jetën e përditshme të qytetarëve, përmes artit, hapësirave publike dhe institucioneve edukative.

“Historia jonë nuk duhet të mbetet vetëm në arkiva. Ajo duhet të jetojë në art, në sheshe, në shkolla dhe në kujtesën e çdo brezi”, shkruan Pantina në Facebook.

Sipas tij, muralet, memorialet, mozaikët dhe muzetë e luftës janë forma të rëndësishme për nderimin e sakrificës së popullit dhe forcimin e identitetit kombëtar.

“Përmes muraleve, memorialeve, mozaikëve dhe muzeve të luftës, ne nderojmë sakrificën dhe forcojmë identitetin tonë kombëtar. Sepse arti është dëshmi. Kujtesa është identitet”, ka theksuar Pantina.

Zgjedhjet parlamentare mbahen më 7 qershor.

/Kosovapress/