Fitorja me rezultat të thellë 4-0 e Barcelonës ndaj Athletic Bilbaos e ka lënë jashtëzakonisht të kënaqur trajnerin e kësaj skuadre Xavi Hernandez.

Ai ka veçuar dyshen Pedri-Dembele të cilët patën paraqitje mbresëlënëse në këtë ballafaqim.

Goli i katërt i Pierre-Emerick Aubameyang në dy paraqitjet e tij të fundit në La Liga e vendosi skuadrën katalanas në kontroll kundër Bllbaos të dielën.

Zëvendësuesi Ousmane Dembele, e ardhmja e të cilit mbetet në dyshim pasi nuk arriti të binte dakord për një zgjatje të kontratës që skadon në fund të sezonit, shënoi një gol dhe asistoi dy të tjerë për zëvendësuesit Luuk de Jong dhe Memphis Depay, përcjellë KosovaPress.

Me këto përfshirje në rezultat, Dembele u bë zëvendësuesi i parë i Barçës që luan një pjesë dhe përfshihet në të paktën tre gola në një ndeshje të vetme të La Ligas në shekullin e 21-të.

Pasi u rikthye në top katërshen e La Ligës, Xavi dha lëvdata të veçanta për mesfushorin Pedri dhe sulmuesin Dembele.

"Se si Pedri e kupton lojën, është e mrekullueshme ta shikosh atë duke luajtur. Ai më kujton shumë Andres Iniestën, nuk kam parë shumë talente të tillë në botën e futbollit. Unë shoh shumë skenarë për Dembelen, ne kemi parë Dembelen që duam dhe e dimë se ai është i aftë të bëjë”.

I pyetur nëse francezi do të qëndrojë në klub, Xavi shtoi: "Kjo nuk është më puna ime, unë gjithmonë kam thënë se ai ka qenë shumë profesionist".

Barça është në nivel pikësh me Atletico Madridin, që fitoi 2-0 kundër Celta Vigos të shtunën dhe u ofrua vetëm një larg nga Real Betisi i vendit të tretë pasi ata u mposhtën nga Sevilla.

“Blaugranët” ende kanë një lojë më pak ndaj kundërshtarëve të tyre në top katërshe.