Presidenti i Serbisë, Aleksandar Vuçiq ka deklaruar se në zgjedhjet e djeshme në veri të Kosovës, kanë votuar vetëm 13 serbë.

Ai në një konferencë për media, ka kritikuar bashkësinë ndërkombëtare, derisa ka thënë se me Kosovën nevojitet një dialog i vërtetë.

“Ajo që ne do të insistojmë është një dialog i vërtetë, ose doni të dëgjoni serbët, dhe ajo që ju e konsideroni dialog është kur ju pesë vini dhe thoni merre ose lëre, ndryshe do ta bëjmë, nuk di çfarë të bëjmë nëse nuk e merr, ky nuk është dialog dhe të çon drejtën në pasoja të tilla, ne na duhet bisedime të vërteta me shqiptarët, duhen bisedime reale me evropianët, ne duhet të jemi në rrugën evropiane, por duhet të kemi një dialog të vërtetë dhe biseda reale për çështjet tona kombëtare dhe shtetërore”, tha ai.

Ai dha një koment edhe për kryeministrin Albin Kurti.

Sipas Vuçiq, të dielën u zhvillua një "kryengritje politike, paqësore e popullit serb".