Vuçiq: Bisedimet përfunduan pa sukses pasi Kurti refuzoi planin evropian
Lexohet për: 1 min.
1 vit më parë
Linku u kopjua
Presidenti i Serbisë, Aleksandër Vuçiq, ka thënë se bisedimet në Bruksel sot përfunduan pa sukses, pasi sipas tij, kryeministri i Kosovës, Albin Kurti refuzoi planin evropian.
Pas takimit me Kurtin, ai ritheksoi qëndrimin e tij se Asociacioni duhet të themelohet sipas marrëveshjeve të vitit 2013 dhe 2015.
Vuçiq para mediave foli edhe për mundësitë e zgjedhjeve të reja në veri, ku tha se zgjidhja më e mirë është dorëheqja e kryetarëve aktual.
“Është e qartë se na pret një kohë e vështirë, por Serbia u përpoq shumë dhe ishte një partner shumë konstruktiv, serioz dhe i përgjegjshëm i komunitetit ndërkombëtar, do të shohim se si do të shkojnë gjërat në të ardhmen dhe me të gjithë ata që zgjidhja më e mirë është dorëheqja", theksoi ai. /KosovaPress/
