Një grua është vrarë të premten në Qendrën për Punë Sociale në Ferizaj, ndërsa është plagosur edhe një person.

Lajmin për KosovaPress e ka konfirmuar, Kanun Veseli zëdhënës i policisë për rajonin e Ferizajt. 

“Me datën 12.04.2024 në ora 14:40 kemi pranuar një informatë se në Qendrën për Punë Sociale në Ferizaj ka të shtëna me armë zjarri . Për pasoj nga të shtënat e armës sê zjarrit një person e gjinisë femrore ka ndërruar jetë në vendin e ngjarjes, kjo është konfirmuar nga mjekët kujdestarë, ndërsa êshtë plagosur një person mashkull , i cili është dërguar nē Qendren Emergjente në Ferizaj”, thuhet në përgjigjen me shkrim.

Sipas Veselit, i dyshuari pasi ka shtënë me armë zjarri është larguar nē drejtim të panjohur.

Ai thekson se ekipe të policisë menjëherë kanë rrethuar zonën dhe në ora 15:15 kanë arritur që tê arrestojnë të dyshuarin e kësaj ngjarje. Sipas tij, ekipe të hetuesve dhe krimteknikët  janë në vendin e  ngjarjes të cilët janë duke e ekzaminuar vendin e ngjarjes,  ndërsa për të gjitha verpimet policore është njoftuar prokurori i shtetit.