Policia e Kosovës në Pejë ka arrestuar një person të dyshuar për veprën penale “Vrasje në tentativë”.

Rasti ka ndodhur në orët e para të mëngjesit në rrugën “Adem Jashari” në Pejë, ku sipas Policisë janë dëgjuar të shtëna me armë zjarri.

“Policia menjëherë ka dalë në vendngjarje, nga patrulla Policore ёshtё vërejtur njё veturё me targa vendore e cila ishte duke u larguar me nxitim nga vendi i ngjarjes, tё cilës iu ёshtё vёnё pas patrulla policore, dhe pas njё kohe tё shkurtёr ёshtё arritur tё ndalohet dhe tё arrestohet personi i dyshuar: D.F. i lindur me1992,mashkull/Kosovar. I dyshuari kishte shtёnё nё drejtim tё veturёs me targa vendore pronë e viktimёs, tё cilёs i ka shkaktuar dёmё materiale, por viktima fatmirësisht ka shpëtuar pa lëndime”, është bërë e ditur në njoftimin e Policisë.

Njësitet policore kanё arritur ta gjejnё edhe armёn e cila dyshohet se ёshtё përdorur në kёtё rast.

Një pistoletë, një karikator dhe tetë gëzhoja janë sekuestruar, ndërsa i dyshuari pas intervistimit nga hetuesit ёshtё dёrguar nё mbajtje pёr 48 orё.