“Vrapo Babadimër”, do të ndihmohen 250 familje me nevoja për fundvit
Lexohet për: 2 min.
Dëgjoje me zë...
“Vrapo Babadimër”, do të ndihmohen 250 familje me nevoja për fundvit
17/12/2023 - 14:46
Linku u kopjua
Rreth 3.500 qytetarë të veshur si babadimra kanë vrapuar sot përgjatë edicionit të tetë “Vrapo Babadimër” me moton “Bëhu Babadimër, jepi buzëqeshje një familjeje”, si rezultat i së cilës do të ndihmohen 250 familje në nevojë dhe reparti i hematologjisë pediatrike.
Kryetari i Komunës së Prishtinës, Përparim Rama, tha për KosovaPress se përmes kësaj iniciative me karakter humanitar do të ndihmohen 250 familje me nevoja në Kosovë dhe reparti i hematologjisë në pediatri për festat e fundvitit.
Themeluesi dhe organizatori i aktivitetit “Vrapo Babadimër” Jusuf Islami tha se përmes këtij aktiviteti të sotëm do të ndihmohen familje në nevoja dhe reparti i pediatrisë me shtretër për nënat kujdestare.
Islami bëri të ditur se synojnë që në ardhmen ky aktivitet të ketë një numër edhe më të madh të pjesëmarrësve.
Ndryshe, kostumet e Babadimrit kanë qenë në dispozicion për blerje nga data 5 dhjetor e deri dje në sheshin “Zahir Pajaziti”, Prishtinë.
Babadimrat pjesëmarrës në këtë aktivitet humanitar kanë vrapuar nga sheshi “George Bush” te Katedralja, duke kaluar nëpër bulevardin “Dëshmorët e Kombit” dhe duke u kthyer prapa në rrethin e flamurit. /A. Shala/
Lajmi i plotë në sistemin me parapagim.
/Kosovapress/
Lajmi i plotë ëshë në sistemin me parapagim. Abonohu për ti shfryëzuar shërbimet KosovaPress-it.
