Qumështorja VITA ka njoftuar se i është drejtuar Policisë së Kosovës dhe Prokurorisë Speciale të Republikës së Kosovës me kërkesë që të marrin mostrat paralele të produkteve të brendeve VITA dhe Holla, duke shprehur shqetësim për vonesën e rezultateve të analizave nga institucionet kompetente.

Sipas kompanisë, kërkesa është dorëzuar të premten, më 24 korrik 2026, pasi, siç pretendohet, Agjencia e Ushqimit dhe Veterinarisë (AUV) nuk i ka dorëzuar rezultatet e analizave brenda afateve ligjore, pavarësisht kërkesave të përsëritura të kompanisë.

Kompania gjithashtu pretendon se gjatë inspektimit të zhvilluar më 2 korrik 2026, një këshilltare politike e Ministrisë së Bujqësisë është prezantuar si inspektore, ndërsa, sipas saj, në vendngjarje ka qenë edhe pronari i kompanisë konkurrente. Për këtë arsye, VITA ka kërkuar që rasti të trajtohet nga organet e drejtësisë.