Kryetari i Komunës së Prishtinës Përparim Rama ka pritur sot në takim eurodeputeten Viola von Cramon, me të cilën ka diskutuar mbi çështje të rëndësishme të pushtetit lokal, projektet nga fondet e BE-së, si dhe bashkëpunimin me qytetet e vendeve tjera.

Rama në një postim në Facebook ka shkruar se në fokus të takimit ishin zhvillimi i qëndrueshëm, mbrojtja e mjedisit dhe rritja e mundësive ekonomike dhe përmirësimi i infrastrukturës.

Raportuesja e Parlamentit Evropian për Kosovën, Viola von Cramon, gjatë ditës është takuar edhe me kryetarë të partive politike, si dhe kryeparlamentarin Glauk Konjufca. Ajo ndodhet për vizitë katër ditore në Kosovë, ku më 15 janar do të mbajë edhe një konferencë për media.