Futbollistët e Real Madridit shënuan fitore bindëse në ndeshjen e xhiros së 13-të të La Ligës duke mposhtur si vendës skuadrën Osasuna me rezultatin 4:0 dhe në këtë mënyrë shkurtuan në gjashtë pikë diferencën e pikëve me rivalin për titull Barcelonën.

Lojtari i ndeshjes ishte Vinicius Junior me tre gola të shënuar në minutat 34’, 61’ dhe 69’, ndërsa Jude Bellingham shënoi në minutën 42’.  

Real Madrid renditet në pozitën e dytë të tabelës me 27 pikë dhe një ndeshje më pak të zhvilluar kundër Valencisë, e shtyrë për shkak të fatkeqësisë historike të përmbytjeve në Spanjë.  Osasuna ndërkaq mbetet në pozitën e pestë me 21 pikë nga 13 ndeshje të zhvilluara, prej tyre gjashtë fitore, tri barazime dhe katër humbje.

Në ndeshjen tjetër të ditës së sotme Villarreal si vendës mposhti bindshëm Deportivo Alaves me rezultatin 3:0.

Sonte nga ora 21:00 takohen Leganes-Sevilla, ndërsa ndeshjet e tjera janë në programin e ditës së diel – Real Betis - Celta Vigo, Mallorca - Atletico Madrid, Getafe - Girona, Real Valladolid - Athletic Club dhe Real Sociedad - Barcelona.