Ish-kryetari i Kuvendit, Kadri Veseli, për herë të parë pas nisjes së gjykimit në Gjykatën Speciale, ka folur në një deklaratë. Ai ka deklaruar se: Dikush duhet të marrë pergjegjesinë para popullit të Kosovës që ky proces të jetë fer dhe të garantojë gjykim në kohë të arsyeshme’.

Deklarata e ish-kryetarit të PDK-së, Veselit pati të bëjë me orët e përdorura për marrjen në pyetje të dëshmitarëve, që më pas po ndikojnë në tejzgjatjen e paarsyeshme të procesit ndaj ish-krerëve të UÇK-së.

”Është në interesin publik kjo që dua ta them. Çështja e parë ka të bëj me kohëzgjatjen e këtij procesi. Që nga dita e parë kur jemi fitur në këtë sallë prokuroria ka kërkuar 545 orë. Secili e kemi ditur prej ditës së parë, që do të kalonin 3 apo 4 vjet edhe në qoftë se fare asnjë pyetje s’do të bënte as mbrojtja as ju si trup gjykues… Ajo që dua të them është se në interes të publikut që dikush duhet të marrë përgjegjësinë që ky proces të jetë jo vetëm fer dhe transparent dhe të respektojë procedurat, Kushtetutën dhe ligjet e Kosovës por edhe të ruaj dhe të garantojë një gjykim të drejtë dhe në kohë të arsyeshme”, tha ai.

Veseli pati edhe një koment për avokatin, Emmerson.

“I nderuar trupi gjykues, po e shoh një komunikim që nuk është normal e as profesional. Nuk po paragjykoj, por si i akuzuar kam drejt të jap mesazh. Nuk do të doja që në gjera që janë jashtë realitetit tim të ndikohet e paragjykohet, sepse ka një mos përmbajtje në adresimet e avokatit tim”, tha ai.