Numri i të vdekurve në Bangladesh nga reshjet e dendura dhe përmbytjet e  shkaktuara nga vërshimet e lumenjve vazhdon të rritet, me mediat që raportojnë 59 të vdekur deri të shtunën vonë.

Dhaka Tribune raporton se shirat e musonit kanë shkaktuar kërdi në të gjithë vendin për gati dy javë, duke ndikuar rëndë miliona jetë.

Numri i viktimave është rritur në 59, me 37 prej tyre në rajonet verilindore të Feni dhe Cumilla.

Rreth 600 ekipe të kujdesit shëndetësor janë në terren në zonat e prekura, ndërsa mbi 500 mijë njerëz janë zhvendosur në 3.403 strehimore të përkohshme si rezultat i fatkeqësisë.