Blerim Vela, shef i stafit në kabinetin e Presidentes së Kosovës, Vjosa Osmani, sot, ka deklaruar se Qeveria e Serbisë po tenton të ndërhyjë në zgjedhjet në veri.

Ai ka reaguar në Twitter pas një kumtese të lëshuar nga Qeveria e Serbisë për zgjedhjet në veri, me ç’rast ka shkruar se kjo është dëshmi e përpjekjes së Serbisë për të ndërhyrë në zgjedhje.

“Një ndërhyrje e tillë e huaj në zgjedhje synon të prishë të gjithë procesin zgjedhor dhe të frikësojë serbët vendas që të mos ushtrojnë të drejtën e tyre demokratike për të zgjedhur përfaqësuesit e tyre.”, ka shkruar Vela në Twitter.

This is a prima facie evidence of Serbia’s attempt to interfere with local elections in north Kosovo.

Such foreign election interference aims to disrupt the whole election process and intimidate local Serbs from exercising their democratic right to elect their representatives. pic.twitter.com/qPfI9x7SpW

— Blerim Vela (@Blerim_Vela) April 17, 2023

Kujtojmë që, ditë më parë, Lista Serbe, që ka udhëhequr me katër komunat veriore ka treguar se nuk do të marrë pjesë në zgjedhje, sipas tyre deri në formimimin e Asociacionit të komunave me shumicë serbe.

Në zgjedhjet e 23 prillit, për kryetarë të katër komunave në veri do të garojnë 11 kandidatë, ku vetëm dy prej tyre janë nga komuniteti serb.

Zgjedhjet e jashtëzakonshme lokale do të mbahen në veri pas dorëheqjes së kryetarëve të komunave të Mitrovicës së Veriut, Leposaviqit, Zveçanit dhe Zubin Potokut. Kryetarët e këtyre komunave dhanë dorëheqje në nëntor të vitit 2022 për shkak të vendimit qeveritar për targat ilegale serbe.

Zgjedhjet në veri fillimisht janë caktuar për datën 18 dhjetor të vitit 2022, mirëpo ato janë shtyrë pas incidenteve nga grupe kriminale serbe ndaj zyratrëve të KKZ-ve dhe pamundësisë për organizimin e tyre./Kosovapress