Futbollistët e Mallorca shënuan sot fitore të rëndësishme si vendës në përballje me Rayo Vallecano, e cila blindon ekipin e Vedat Muriqit në mesin e pesë skuadrave më të forta pas dhjetë xhirosh në La Ligën spanjolle.

Mallorca deri te fitorja e pestë në këtë edicion të ri të garave arriti vetëm në minutën e 75-të të ndeshjes, pikërisht me golin e Vedat Muriqit, pas asistimit të Rodriguez.

Skuadra e Muriqit ka mundur të shënojë fitore më bindëse, por një gol i saj në minutën 97 është anuluar nga arbitri i ndeshjes pas shikimit të VAR-it.

Pas kësaj fitoreje, Mallorca renditet e pesta në tabelë me 17 pikë, po aq sa edhe Athletic Club një pozitë më lart, por me gol-diferencë më të mirë. Rayo Vallecano renditet e nënta me 13 pikë, teksa në tabelë prijnë Barcelona e Real Madrid me pikë të njëjta (24), por skuadra katalanase ka një ndeshje më pak të zhvilluar.