Yoko Shimada, aktorja japoneze e cila fitoi Golden Globe për rolin e saj në mini-serinë televizive “Shogun”, ka vdekur në moshën 69-vjeçare.

Sipas mediave në Japoni, Yoko ndërroi jetë më 25 korrik 2022 në një spital në Tokio pasi vuante nga dështimi i shumëfishtë i organeve për shkak të kancerit të zorrës së trashë.

Karriera e aktrimit të Shimada filloi në fillim të viteve 1970 dhe ajo u shfaq në një numër filmash - duke përfshirë filmin procedural policor të vitit 1974 "Kështjella e rërës".

Aktorja ishte një nga një numër i vogël i njerëzve që kishte role anglisht-folëse në “Shogun” (1980) pavarësisht se nuk e fliste rrjedhshëm gjuhën.

Mini-seria u bazua lirshëm në aventurat e navigatorit anglez William Adams, i cili udhëtoi në Japoni në shekullin e 17-të dhe u ngrit në gradën shogun, një udhëheqës ushtarak.

Yoko luajti rolin e Zonjës Toda Mariko, e cila përfaqësonte personin e jetës reale Hosokawa Gracia, një anëtar i familjes aristokrate Akechi.

Aktorja luajti në filmin "Little Champion" të vitit 1981 si maratonistja Michiko "Miki" Suwa Gorman, e cila mbetet e vetmja grua që ka fituar dy herë maratonën e Bostonit dhe Nju Jorkut.

Yoko përjetoi kohë të vështira me probleme me alkoolin dhe borxhet gjatë viteve 1990 dhe u shfaq në një libër fotografish nudo në vitin 1992 për të mbledhur para. Libri ishte i popullarizuar, por dëmtoi qëndrimin e saj si aktore.