Aktorja britanike Dame Maggie Smith, e njohur për rolet ikonë në Downton Abbey dhe serinë e filmave Harry Potter, vdiq sot në moshën 89-vjeçare.

Maggie ndërroi jetë në spital, e rrethuar nga miqtë e ngushtë dhe familjarët, thanë djemtë e saj Chris Larkin dhe Toby Stephens.

“Ajo la pas dy djem dhe pesë nipër e mbesa të dashur, të cilët janë shkatërruar nga humbja e nënës dhe gjyshes së tyre të jashtëzakonshme”.

Karriera e saj e jashtëzakonshme zgjati më shumë se gjashtë dekada. Ajo fitoi dy çmime Oscar: aktorja më e mirë për The Prime of Miss Jean Brodie në 1969 dhe aktorja më e mirë në rol dytësor për California Suite në 1978.

Më vonë ajo magjepsi një brez të ri fansash me portretizimin e saj të Violet Crawley, Konteshës Dowager të Grantham, në Downton Abbey, dhe profesoreshës Minerva McGonagall në filmat Harry Potter.