Ish-Emiri i Katarit, Sheikh Hamad bin Khalifa Al Thani, ka ndërruar jetë në moshën 74-vjeçare më 12 korrik 2026.

Sheikh Hamad, i cili vdiq të dielën që shkoj, ushtroi rolin e emirit prej vitit 1995 e deri kur abdikoi në 2013.

Gjatë sundimit të tij, Katari përjetoi një transformim të shpejtë të infrastrukturës sportive, duke u shndërruar në një nga organizatorët kryesorë të ngjarjeve ndërkombëtare sportive.

Udhëheqja e tij po ashtu e pozicionoi Dohën si një nga kryeqendrat më të rëndësishme të sportit në rajon.

Ndër ngjarjet më të mëdha sportive të organizuara gjatë periudhës së tij në pushtet ishin Kampionati Botëror i Tenisit të Tavolinës më 2004, Kampionati Botëror i Peshëngritjes më 2005, Lojërat Aziatike më 2006, Kampionati Botëror i Atletikës në Sallë më 2010, Kupa e Azisë e AFC-së më 2011, Lojërat Arabe më 2011, si dhe Konferenca e Nëntë Botërore për Sportin dhe Mjedisin.

Ai kujtohet gjerësisht në mbarë botën për momentin ikonik të botërorit të kaluar, kur zbriti në fushë dhe i vendosi Lionel Messit mantelin tradicional arab, bisht, pak çaste para se argjentinasi të ngriste trofeun e Kupës së Botës.

KosovaPress