Një grua, që kishte pësuar lëndime në një aksident trafiku I cili pati ndodhur më 17 korrik në Mitrovicën e Jugut ka vdekur si pasojë e plagëve të marra, të mërkurën.

Lajmin për largimin e saj nga jeta e ka dhënë QKUK, ndërsa e ka transmetuar policia.

Aksidenti fatal pati ndodhur kur një drejtues, nga pakujdesia, dyshohet se kishte goditur një veturë tjetër që drejtohej nga një grua.

Si pasojë e përplasjes, ishin lënduar të dy drejtuesit e automjeteve dhe katër pasagjere, të cilat ishin dërguar për trajtim mjekësor, njëra nga të cilat nuk I mbijetoi plagëve.

Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion, ndërsa rasti tashmë po hetohet si "aksident trafiku me fatalitet". /KosovaPress/

/Kosovapress/