Ka vdekur në moshën 51-vjeçare gazetari Zijadin Gashi. Lajmi është bërë i ditur të martën pasi Gashi ishte përballur me një sëmundje të rëndë.

Ai ka lënë prapa vetës gruan dhe tre fëmijë.

Zijadin Gashi ka punuar në disa media në Kosovë dhe puna e tij është shpërblyer me çmime.

Asociacioni i Gazetarëve të Kosovës gjatë këtij viti i ka ndarë mirënjohje për punën e tij gjatë periudhës së luftës.

"Gashi pati një karrierë të gjatë e të përkushtuar në fushën e medias. Ai ka qenë pjesë aktive e gazetarisë kosovare para dhe gjatë luftës, dhe punoi në disa mediume të shkruara, elektronike dhe televizive në Kosovë", thuhet në telegramin e ngushëllimit të AGK-së.

Së fundmi, Gashi ka punuar kryeredaktor në Tëvë1. Ai ka lënë gjurmë në mediat vendore.

KosovaPress u shpreh ngushëllime familjes dhe kolegëve të tij.