Aktori kanadez Martin Short ka njoftuar se vajza e tij, Katherine, "do të kujtohet për dritën dhe gëzimin që solli në botë", pas vdekjes së saj në moshën 42-vjeçare.

Katherine Short, punonjëse sociale, ishte më e madhja nga tre fëmijët që ai kishte adoptuar me aktoren dhe këngëtaren Nancy Dolman.

"Me pikëllim të thellë konfirmojmë ndarjen nga jeta të Katherine Hartley Short. Familja kërkon privatësi në këtë kohë", thuhet në deklaratën e përfaqësuesit të tij për BBC News.

Sipas mediave amerikane, vdekja e saj dyshohet të ketë qenë vetëvrasje.

Short, i njohur për rolet në "The Three Amigos", "Father of the Bride" dhe "Innerspace", ka shtyrë disa shfaqje me partnerin e tij Steve Martin në Milwaukee dhe Minneapolis.

Ai është nominuar për aktorin më të mirë në një serial komik për rolin në "Only Murders in the Building". Nancy Dolman ndërroi jetë nga kanceri në vezore në vitin 2010.

/Kosovapress/