Manchester United ka pasur kontakt të drejtpërdrejtë me agjentin e superyllit të Atletico Madridit, Julian Alvarez, raporton gazetari argjentinas Marcos Duran.

Besohet se Alvarez e ka informuar Atleticon për dëshirën e tij për t’u larguar, pas dy sezonesh në të cilat ka shënuar 49 gola dhe ka dhënë 17 asiste. Barcelona po përpiqet fort për nënshkrimin e tij, por rivalët e tyre spanjollë po kërcënojnë me veprime ligjore për këtë qasje të tyre dhe u kanë thënë atyre se duhet të paguhet komplet klauzola e lirimit prej 500 milionë eurosh ose ai nuk do të shkojë askund.

Nuk është e qartë nëse ekipet e tjera në ndjekje të tij do të detyrohen të shkojnë në atë masë, apo nëse kjo është thjesht sepse Barca është rivale.

Sidoqoftë, skuadra si Arsenali dhe Paris Saint-Germain janë në ndjekje të tij, ashtu si, çuditërisht, edhe Manchester United.

Është raportuar se Djajtë e Kuq kanë folur drejtpërdrejt me agjentin e Alvarez pasi e kanë kuptuar situatën e tij.

Gazetari që raporton historinë thekson se United ka para dhe një vend në Ligën e Kampionëve. Ai sugjeron se agjentët e Alvarezit kanë nevojë për një 'plan B, C dhe D' dhe për këtë arsye mund të jetë e mirëpritur që Djajtë e Kuq janë përfshirë në garë.

KosovaPress