Komiteti i arbitrave të UEFA-s ka shpallur listën prej 19 referëve, ekipet e tyre ndihmëse të arbitrave dhe zyrtarët e ndeshjeve video/mbështetëse, të cilët do të marrin përgjegjësinë për 51 ndeshjet në Kampionatin Evropian Euro 2024 në Gjermani këtë verë.

Turneu, i cili do të zhvillohet nga data 14 qershor deri më 14 korrik, do të ketë gjithashtu një ekip arbitrash nga Argjentina si pjesë e partneritetit të UEFA-s me CONMEBOL që filloi në Evropianin Euro 2020, raporton KosovaPress.

Facundo Tello, nga Argjentina, së bashku me dy ndihmësit e tij, do të integrohen në kontingjentin evropian të arbitrave.

Roberto Rosetti, drejtor menaxhues i arbitrazhit të UEFA-s, tha:

“UEFA EURO 2024 është kulmi i futbollit kombëtar evropian me ekipet më të mira që konkurrojnë dhe kjo është arsyeja pse ne kemi zgjedhur gjyqtarët më të mirë për të gjykuar këto ndeshje. Të gjithë gjyqtarët e zgjedhur kanë performuar vazhdimisht me standardet më të larta në garat kryesore të UEFA-s, si dhe në garat e tyre vendase. Ata janë përgatitur jashtëzakonisht mirë për të qenë në këtë pozicion dhe ne kemi besim të plotë tek ata për të treguar cilësinë e tyre në turneun final”.

Lista e arbitrave të Euro 2024:

Artur Soares Dias (Portugali)

Jesús Gil Manzano (Spanjë)

Marco Guida (Itali)

Istvan Kovacs (Rumani)

Ivan Kruzliak (Sllovaki)

François Letexier (Francë)

Danny Makkelie (Holandë)

Szymon Marciniak (Poloni)

Halil Umut Meler (Turkiye)

Glenn Nyberg (Suedi)

Michael Oliver (Angli)

Daniele Orsato (Itali)

Sandro Schärer (Zvicër)

Daniel Siebert (Gjermani)

Anthony Taylor (Angli)

Facundo Tello (Argjentinë)

Clément Turpin (Francë)

Slavko Vinçiq (Slloveni)

Felix Zwayer (Gjermani)

UEFA thotë se përgatitja e zyrtarëve për UEFA EURO 2024 do të përfshijë një kurs për të gjithë gjyqtarët, ndihmësit e arbitrave dhe zyrtarët e video-ndeshjes, i cili do të zhvillohet në Frankfurt, Gjermani, në mes të muajit maj, përpara fillimit të turneut në qershor.