Donald Trump ka sulmuar ashpër Papa Leonin përmes një postimi në platformën Truth Social.

Në reagimin e tij, Trump shkroi: “Ai është i dobët ndaj krimit dhe i tmerrshëm në politikën e jashtme.”

Ai shtoi se Papa flet për frikën nga administrata e tij, por nuk përmend periudhën e pandemisë: “Ai flet për frikën nga administrata Trump, por nuk përmend frikën që Kisha Katolike dhe të gjitha organizatat e tjera të krishtera ndjenë gjatë Covid-it, kur priftërinjtë, ministrat dhe të gjithë të tjerët u arrestuan për mbajtjen e shërbesave fetare.”

Trump vijoi me tone ironike duke deklaruar: “Unë e preferoj shumë vëllain e tij Louis, sepse ai është plotësisht MAGA. Ai i ka kuptuara të gjitha.”, transmeton TCh.

Në fund, Presidenti amerikan theksoi qëndrimin e tij për politikën ndërkombëtare: “Nuk dua një Papë që mendon se është e pranueshme që Irani të ketë armë bërthamore.”