Disa video të dërguar nga qytetarët në KosovaPress, tregojnë se si një vend në trotuarin e rrugës “Ilir Konushevci”, në Prishtinë, është bërë vend i përshtatshëm për hedhjen e mbeturinave për qytetarët.

Në video shihen qytetarët që nuk hedhin mbeturinat në kontejner, por në mes të trotuarit. E përveç mbeturinave shihet se aty hedhin edhe rroba, e disa të tjerë i marrin dhe i provojnë ato në po të njëjtin vend.

“Jemi në hallë, afër është stacion urban, zebrat dhe hyrja e shkollës dhe vend shumë i frekuentuar me qytetarë, por kjo nuk i pengon disa prej tyre të hedhin mbeturina midis trotuarit. Ne kemi lajmëruar policinë e inspektoratin e Komunës së Prishtinës por se asnjëra nuk kanë ndërmarrë asgjë”, thonë ata.