Sonte zhvillohet ndeshja e dytë e serisë finale të playoff-it në basketbollin kosovar, ku Trepça do të përballet me Bashkimin, në një duel tjetër, tejet të rëndësishëm për garën drejt titullit kampion.

Edhe kjo ndeshje, si e para, të cilën të dielën e fituan xehetarët me rezultat 94-79, luhet në palestrën “Minatori”, në Mitrovicë.

Dy ndeshjet tjera, e 3-ta dhe e 4-ta zhvillohet në Prizren, ku është selia e Bashkimit.

Fitues i finales dhe kampion i Kosovës shpallet ekipi i cili arrin katër fitore i pari.

Maksimumi i ndeshjeve që mund të luhen në këtë seri të play off-it është shtatë.

Trepca mbërriti në finale duke mposhtur Pejën në seri prej 3 me 1 në gjysmë finale, ndërsa Bashkimi ishte më i mirë se Bora, të cilën e eliminoi 3 me 2.

Këto dy ekipe kishin qenë më të mirat në kampionat, edhe gjatë rrjedhës normale. Sezonin e rregullt Trepva e përfundoi si lideri, me Bashkimin në vendin e dytë.

Ndeshja e parë finale, që u luajt të dielën, ishte ndër më të shikuarat në historinë e pasluftës, për nga numri i tifozëve të pranishëm në palestrën Minatori në Mitrovicë.

/Kosovapress/