Transferimet e shtrenjta në Arabi, Ceferin: Është gabim, por nuk shqetësohem
Lexohet për: 2 min.
1 vit më parë
Linku u kopjua
UEFA nuk është e shqetësuar për faktin se shumë lojtarë po i bashkohen Ligës Pro Saudite, tha të dielën presidenti i UEFA-së, Aleksander Ceferin.
Lionel Messi, Cristiano Ronaldo, Karim Benzema dhe Luka Modric kanë fituar të gjithë çmimin Topi i Artë që nga viti 2008. Ronaldo iu bashkua Al Nassr në janar; Benzema ra dakord të nënshkruajë me Al-Ittihad në qershor. Të dy fitojnë shuma marramendëse parash në klubet e tyre të reja. Skuadrat saudite kanë arritur gjithashtu te Messi dhe Modric me oferta fitimprurëse, por të dy i refuzuan ato.
Lëvizjet e tilla, Ceferin i ka konsideruar si të gabuara nga ana e Arabisë Saudite.
"Unë mendoj se është kryesisht një gabim për futbollin e Arabisë Saudite. Pse është një problem për ta? Sepse ata duhet të investojnë në akademi, duhet të sjellin trajnerë dhe ata duhet të zhvillojnë lojtarët e tyre," tha Ceferin.
“Sistemi i blerjes së lojtarëve që pothuajse përfunduan karrierën e tyre nuk është sistemi që zhvillon futbollin”, shtoi ai. “Më thuaj një lojtar që është në moshën më të mirë dhe që e nis karrierën e tij dhe shkoi të luajë në Arabinë Saudite?”, vazhdoi Ceferinë.
Ai shtoi se këta lojtarë po shkojnë atje vetëm për të fituar para.
“Lojtarët duan të fitojnë kompeticionet kryesore. Dhe konkurrenca më e mirë është në Evropë. Në fund të karrierës së tyre, disa lojtarë shkojnë diku për të fituar para.", shtoi ai.
