Një ngjarje e rëndë është regjistruar paraditen e së dielës në Durrës, ku një 11-vjeçar nga Tirana është mbytur në det.

Ngjarja ka ndodhur rreth orës 10:35, në zonën e Kavalishencës, në lagjen nr. 13 të Durrësit. Sipas dëshmive nga vendngjarja, djali është pikasur nga qytetarët në ujë, jo në thellësi, por shumë pranë bregut.

Grupi hetimor ndodhet në vendngjarje dhe po vijon punën për sqarimin dhe dokumentimin e plotë të rrethanave të ngjarjes, si dhe për përcaktimin e shkakut të vdekjes.