Sandro Tonali është suspenduar me dy muaj ndalesë nga aktivitetet e futbollit nga Komisioni i Pavarur Rregullativ, pasi që deklaroi vetë për shkelje të rregullave të Federatës Angleze për baste.

Ky suspendim vjen pasi që Tonali kishte vënë afro 50 baste, përfshi katër sosh në Newcastle United, të gjitha për skuadrën e tij që të fitojë dhe ai gjithashtu ka luajtur në tri prej ndeshjeve zyrtare, raporton KosovaPress.

“Me kusht që ai të mos kryejë ndonjë shkelje të mëtejshme të Rregullave të basteve të FA gjatë periudhës së pezullimit, Sandro nuk do të kryejë asnjë pjesë të sanksionit të ri dy mujor”, ka konfirmuar Newcastle.

Tonali tani po vazhdon të ndjekë një plan terapeutik dhe program edukativ me mbështetjen e plotë të klubit dhe do të vazhdojë të stërvitet me shokët e tij, bën të ditur Newcastle.