Finalja e tretë e play off-it në Superligën e Kosovës në hendboll në konkurrencë të vajzave do të zhvillohet sot me fillim nga ora 20:00, ku mund të jetë edhe finalja e fundit.

Me një fitore të arritur sonte Shqiponja siguron titullin e kampionit, derisa samadrexhaset kanë synime të tjera, të fitojnë dhe ta vazhdojnë serinë finale të play off-it.

Ndeshja e parë finale ishte luajtur pikërisht në Samadrexhë, ndërsa Shqiponja e Gjakovës kishte fituar me rezultat 23:22 edhe në fundjavë në “Shani Nushi”, Shqiponja fitoi 26:22 dhe tani i duhet vetëm një fitore për ta siguruar titullin e kampionit.

Në stinorin e rregullt Samadrexha i fitoi të gjitha ndeshjet. E fitoi edhe trofeun e Kupës dhe më pas dy gjysmëfinalet e play off-it me Ferizajin. Por nuk shfaqi atë që e ka pritur kjo skuadër në dy finalet e para.

Ndeshja do të zhvillohet në palestrën “Afrim Bunjaku”, në Samadrexhë.

KosovaPress