Eliminimi i Atletico Madridit nga Liga e Kampionëve që erdhi nga Arsenali e dënoi ekipin e Simeones me një sezon të pestë radhazi pa trofe, duke ngritur në mënyrë të pashmangshme pyetje mbi të ardhmen e trajnerit argjentinas.

I pyetur nëse kishte forcën për të vazhduar pas humbjes të së martës në Londër, përgjigjja e Simeones ishte e pazakontë, shkruan flashscore.

“Jo tani, definitivisht jo tani. Jemi rritur jashtëzakonisht shumë në çdo aspekt, jemi një klub i njohur në Evropë dhe në botë. Por tifozët duan të fitojnë. Të arrish në gjysmëfinale nuk është e mjaftueshme” – tha Simeone.

Ndërkohë, Simeone i cili ende ka reputacionin e një trajneri të vjetër, ka theksuar shumë herë këtë sezon se skuadra e tij Atletico sulmon më mirë sesa mbrohet.

Jo aq mirë sa për të thyer Arsenalin e fortë të Mikel Artetas, por Atletico është përmirësuar në këtë drejtim dhe Simeone ka evoluar gjithashtu, duke kërkuar një stil më të gjerë pa sakrifikuar intensitetin që përcaktoi vitet e tij më të mira.

Ndeshjen e ardhshme Atletico Madridi e laun kundër Celta Vigos më 9 maj, nga ora 18:30.

KosovaPress