Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, ka thënë se njohja e pasaportave të lëshuara nga institucionet e Serbisë nga ana e BE-së, paraqet një precedent të rrezikshëm dhe një goditje e madhe ndaj shtetit tonë.
"Njohja e pasaportave të lëshuara nga institucionet e Serbisë nga ana e BE-së, për një numër të qytetarëve tanë, paraqet një precedent të rrezikshëm dhe një goditje e madhe ndaj shtetit tonë. Ky veprim përligj dhe legjitimon një autoritet të huaj dhe sabotues, dhe si i tillë lejon goditjen dhe ndërhyrjen e drejtpërdrejtë në sovranitetin institucional të Republikës së Kosovës nga ana e strukturave serbe. Kjo, nuk ka asgjë të bëjë me të drejtat e njeriut dhe as me ofrimin e mundësive të barabarta, sepse ato i ofron Kosova në nivelin më gjithëpërfshirës dhe më ekskluziv për serbët e Kosovë", ka thënë Tahiri.
Sipas tij, kjo ndodhi pasi Qeveria Kurti “ishte e zënë me populizëm, luftimin e mediave të lira, ngulfatjen e demokracisë, duke mos pasur kohë për informim dhe afirmim të pozicioneve shtetërore në instancat e BE-së.”
Kurti komenton liberalizimin e vizave për serbët e Kosovës me pasaportë të Serbisë • KosovaPress
