Dje dhe sot janë zhvilluar katër ndeshjet e xhiros së parë të Superligës së Kosovës për edicionin e ri garues 2022/23.

Rezultati më befasues ishte ai nga ballafaqimi i Dritës me Trepçën ’89, skuadër kjo e promovuar këtë edicion në elitën e futbollit vendor duke e ndalur me barazim 2-2 skuadrën gjilanase, raporton KosovaPress.

Rivali i Dritës, Gjilani mori një fitore të rëndësishme ndaj Ferizajt 3-2 me përmbysje të rezultatit, kurse Prishtina e mposhti Dukagjinin me rezultat 2-1.

Llapi mori tre pikët e para nga ballafaqimi me Drenicën të cilën e mposhti si mysafir me rezultat të ngushtë 1-0.

Mbetët për t’u zhvilluar edhe ndeshja ndërmjet Ballkani dhe Malishevës, e shtyrë për shkak të angazhimit të Ballkanit në Ligën e Konferencës.

Kjo është renditja tabelare:

Gjilani 3 pikë

Prishtina 3

Llapi 3

Drita 1

Trepça ’89 1

Ballkani 0

Malisheva 0

Ferizaj 0

Dukagjini 0

Drenica 0