Emisari i Bashkimit Evropian për dialogun Kosovë-Serbi, Miroslav Lajçak ka bërë të ditur se sot do të diskutohet raporti për masat në Komisionin Politik dhe të Sigurisë.

“Me sa di unë, ky raport (raporti për masat) duhet të diskutohet nesër në Komisionin Politik dhe të Sigurisë, domethënë nga shtetet anëtare. Dhe kjo (heqja e masave) varet nga diskutimi, nga rezultati i diskutimit”, tha Lajcak të marten pas takimit me zëvendëskryeministrin e Kosovës Besnik Bislimi.

https://kosovapress.com/lajcak-raporti-per-masat-ndaj-kosoves-diskutohet-neser-jam-pro-largimit-te-tyre

Lajçk poaashtu tha se ka rekomanduar heqjen e masave për Kosovën, megjithatë por që nuk është pjesë e këtij procesi.

“E kam bërë të qartë qëndrimin tim për sa i përket masave, që në shtator, kur kam rekomanduar që këto të hiqen. Por siç e thashë, nuk jam pjesë e këtij procesi, ky është vendim i shteteve anëtare. Qëndrimi im personal është që ato duhet të hiqen. Kryeministri Kurti nuk është brenda vendit, për këtë s’kemi pasur takim”, tha emisari Lajçak.

Kryediplomati i Bashkimit Evropian, Josep Borrell, ua ka dorëzuar vendeve anëtare të BE-së raportin lidhur me masat që i janë vënë Kosovës më shumë se një vit më parë.

https://kosovapress.com/borrell-ua-dorezon-vendeve-te-be-se-raportin-per-masat-ndaj-kosoves

Në raport është bërë vlerësimi nëse duhet hequr masat ndaj Kosovës, të vëna për shkak të tensionimit të situatës në veri të vendit në maj dhe qershor të vitit 2023.