Kryetari i Prishtinës, Përparim Rama, bën të ditur se kanë përfunduar punimet në gjysmën e parë të rrugës “Fehmi Lladrovci”, e cila do të hapet për qarkullim gjatë mbrëmjes së sotme.

Rama falënderoi qytetarët për mirëkuptimin dhe durimin e treguar gjatë zhvillimit të punimeve, duke theksuar se investimet në infrastrukturën rrugore po vazhdojnë me qëllim të përmirësimit të lëvizjes dhe sigurisë në kryeqytet.