S’ka më UNMIK, Hajdari: Kosova përfaqësohet nga institucionet e saj në CEFTA
Biznes
Lexohet për: 1 min.
2 javë më parë
Linku u kopjua
Kosova nga sot nuk do të përfaqësohet më nga UNMIK-u në CEFTA, por nga institucionet e saja.
Në një konferencë për media ministrja e Industrisë, Rozeta Hajdari, ka thënë se pas 13 vjetësh Kosova ka rregulluar këtë çështje përfundimisht në mekanizimin CEFTA.
Hajdari ka theksuar se pas takimit të mbledhjes së Komitetit të Përbashkët të CEFTA-s, janë miratuar edhe 13 vendime që ishin dërguar më herët e që ishin në pritje. Ndërsa, sa i përket vendimit të parë, ajo e vlerëson si një rezultat të madh të kësaj qeverisjeje.
Ministrja Hajdari ka thënë se përveç miratimit të kësaj kërkese, 13 vendimet tjera të miratuara përfshijnë qasje të barabartë ekonomike dhe tregtare.
Këshilltari i kryeministrit, Jeton Zulfaj ka thënë se largimi i UNMIK-ut nga përfaqësimi i Kosovës në CEFTA është arritur falë veprimeve të Qeverisë së drejtuar nga Albin Kurti.
Zulfaj ka konfirmuar pjesëmarrjen e kryeministrit Albin Kurti në Procesin e Berlinit.
