KFOR-i ka njoftuar se vazhdon të monitorojë nga afër situatën në Banjska dhe trupat e KFOR-it, janë të pranishme në zonë, të gatshme për t'u përgjigjur nëse kërkohet.

KFOR thotë se Policia e Kosovës, si reaguese e parë, ka përgjegjësinë parësore për menaxhimin e incidentit në terren.

“Komandanti i KFOR-it është në kontakt të ngushtë dhe të vazhdueshëm me të gjitha palët e interesuara ndërkombëtare, përfshirë BE-në, Shefin e Shtabit të Forcave të Armatosura të Serbisë dhe me institucionet në Kosovë, dhe po punon intensivisht për të gjetur një zgjidhje. Misioni i KFOR-it i udhëhequr nga NATO dënon ashpër sulmin kundër Policisë së Kosovës dhe dërgon ngushëllimet më të thella për familjen dhe të dashurit e të ndjerit”, thuhet në reagim.

Policia e Kosovës referuar situatës dhe rrethanave të krijuara, për shkaqe sigurie ka mbyllur për qarkullim kufitar dy vendkalimet kufitare në veri (Jarinje dhe Bërnjak).

Policia fton të gjithë qytetarët që të shfrytëzojnë pikat tjera kufitare për qarkullim, si dhe të shmangun daljet dhe lëvizjet e tyre në atë rajon/zonë.

Përndryshe, grupi terrorist i grup i armatosur po vazhdon të qëndrojë në Manastirin në Banjskë dhe rreth tij, e të cilët janë të rrethuar nga policia e Kosovës.

Derisa, kryeministri Albin Kurti i bëri thirrje që të dorëzohen.