Sinner hyn në histori: Kompleton 'Golden Masters' në Romë
Sport
Lexohet për: 2 min.
Dëgjoje me zë...
Sinner hyn në histori: Kompleton 'Golden Masters' në Romë
Në moshën vetëm 24-vjeçare, numri një i botës, Jannik Sinner, ka shkruar historinë duke fituar Mastersin e Romës (Italian Open) pas fitores 6-4, 6-4 ndaj Casper Ruud.
Me këtë sukses, ai ka fituar të 9 turnetë e kategorisë ATP Masters 1000, një arritje e jashtëzakonshme e njohur si "Career Golden Masters". Siç raporton BBC Sport, i vetmi mashkull tjetër në histori që e ka arritur këtë është Novak Djokovic.
Pas ndeshjes, Sinner u shpreh i lumtur por i përmbajtur:
"Jam vërtet shumë i lumtur – kanë qenë dy muaj e gjysmë të jashtëzakonshëm. Ka pasur shumë tension, veçanërisht këtu në finale. Por ky është një proces mësimi. Nuk mund t'i dijë të gjitha në moshën 24-vjeçare."
Ish-tenisti britanik Tim Henman, duke analizuar lojën e italianit për
BBC Sport, deklaroi:
"Me kërkesat fizike dhe mendore, ndryshimin e sipërfaqeve dhe udhëtimet, fitimi i të gjitha këtyre ndeshjeve është i pabesueshëm. Kjo thjesht nënvizon se sa lojtar i kompletuar është Sinner."
Sinner po kalon një sezon të frikshëm, duke fituar 36 nga 38 ndeshjet e këtij viti, dhe kryeson bindshëm renditjen botërore me 14,700 pikë.
Pas Romës, synimi i radhës është turneu i madh Roland Garros që nis të dielën e ardhshme. Nëse Sinner triumfon edhe në Paris, ai do të bëhet vetëm tenisti i 10-të në histori që kompleton katër Grand Slam-et e karrierës, duke shkuar në Francë si favoriti kryesor i turneut.
KosovaPress
