Me letra në duar “Sot e mbaj maskën sepse punoj në ambient toksik! E as nuk kam liri për t'u shprehur lirshëm”, kanë protestuar në heshtje, sindikata e Ministrisë së Kulturës Rinisë dhe Sportit.

Protestuesit kanë reaguar ndaj “sulmit fizik të kryer nga zëvendësuesi i sekretarit të kësaj ministrie, Xheladin Krasniqi, ndaj zyrtarit të MKRS-së, Miftar Latifi”.

Protestuesit nuk janë deklaruar rreth këtij sulmi fizik, derisa ministri i Kulturës, Hajrulla Çeku, i pyetur nga mediat ka thënë se Policia e Kosovës është duke u marrë me rastin dhe se momentin që sipas tij mblidhen të gjitha faktet, do të ndërmarrin veprimet e nevojshme sipas ligjit dhe procedurës.

Kjo protestë është organizuar si një thirrje kundër çdo forme të dhunës dhe për respektimin e integritetit të zyrtarëve publikë, si dhe për të kërkuar që ky rast të trajtohet me drejtësi nga institucionet përkatëse.