Siguria e nxënësve, Komuna e Obiliqit përuron parkingun në Plemetin
Lexohet për: 1 min.
3 muaj më parë
Linku u kopjua
Mungesa e një parkingu në shkollën me shqiptarë dhe komunitet ashkali si dhe në atë me serbë në fshatin Plemetin të Obiliqit ka rrezikuar jetën e nxënësve.
Prandaj, komuna e Obiliqit, në bashkëpunim me kontratën sociale të USAID-it, kanë përuruar sot parkingun në kuadër të projektit “ Përmirësimi i kushteve të sigurisë në shkollat e Plemetinit”, për të garantuar kushte më të mira të sigurisë për nxënësit.
Nënkryetari i komunës së Obiliqit, Ibush Mjekiqi ka thënë se si komunë janë të angazhuar të bashkëpunojnë me të gjitha organizatat të cilat veprojnë në Kosovë, për një jetë më të mirë.
Ndërsa, nënkryetari i komuniteteve në Obiliq, Sllavisha Jakovleviq ka shtuar se ky projekt është i rëndësishëm në kuptimin e sigurisë të dy objekteve të shkollave.
Po ashtu, kryetari i këshillit të fshatit, Vahudin Ibrahimi shpreson që në të ardhmen t’i përkrahin me projekte të cilat i nevojiten dy shkollave.
Ky projekt i USAID ka kushtuar rreth 24 mijë euro./KosovaPress
