Jude Bellingham ka rezultuar lojtari më i rëndësishëm në sistemin taktik të Thomas Tuchel, duke luajtur një rol vendimtar në fitoren e Anglisë ndaj Panamasë në Kupën e Botës 2026, shkruan BBC Sport.

Sipas analizës taktike, 22-vjeçari u përdor në role të ndryshme gjatë ndeshjes, duke kaluar nga mesfushor box-to-box në një “numër 10” më ofensiv, në varësi të fazave të lojës dhe mungesave në skuadër. Ky fleksibilitet i lejoi Anglisë të përshtatet me sistemin e ri të Tuchel dhe të krijojë superioritet në mesfushë.

Bellingham jo vetëm që kontribuoi në ndërtimin e lojës, por ishte gjithashtu vendimtar në fazën sulmuese, duke asistuar dhe duke krijuar hapësira për shokët e skuadrës. Ai gjithashtu u dallua për presingun dhe rikthimet mbrojtëse, duke ndihmuar Anglinë në momentet kur Panama rrezikonte në kundërsulme.

Trajneri Tuchel ka theksuar se Anglia po kërkon “vertikalitet dhe shpejtësi në linjën e fundit”, ndërsa Bellingham është cilësuar si lojtari që i jep ekuilibër dhe stabilitet këtij sistemi.

Performanca e tij është vlerësuar si një nga arsyet kryesore pse Anglia po përshtatet me sukses me idetë e reja taktike në turne.

KosovaPress