Edhe nëse e doni punën tuaj, kthimi në punë pas pushimeve  të festave të fundvitit mund të jetë i vështirë për shumë arsye. Me janarin që shpesh përmendet si muaji më pak i preferuar i vitit, ne shikojmë se si mund të mposhtim sfidat e këtij muaji dhe të shtoni pak pozitivitet në të.

Fillimisht kontrolloni inboxin tuaj

Viti i kaluar mund të duket si viti i kaluar - por emailet dhe detyrat e 2023-ës fatkeqësisht nuk u zhdukën me një vit të ri. Lini mënjanë një mëngjes dhe bëni detyrën tuaj të parë të vitit për të trajtuar atë grumbull të mesazheve. Nuk duhet të ndërmerrni veprime për çdo email, por mund t'i përdorni ato për të krijuar një listë detyrash. Në këtë mënyrë do të dini se çfarë duhet të bëni dhe mund të ndaloni së shqetësuari se diçka e tmerrshme ka ndodhur gjatë kohës që keni qenë larg.

Merreni së pari detyrat e shpejta

Nëse ndiheni të mbingarkuar nga e gjithë puna e vitit të kaluar që e keni lënë për një vit të ri, atëherë provoni fillimisht teknikën klasike të produktivitetit për të kryer të gjitha detyrat më të vogla. Ato mund të mos jenë më të rëndësishmet apo më të ngutshmet, por heqja e disa nga aktivitetet nga lista juaj do të ju bëj të ndiheni sikur po bëni më shumë.

Merrni disa ditë për të punuar nga shtëpia

Kthimi në zyrë pas festave të fundvitit mund të jetë shumë i vështirë, veçmas nëse e keni kaluar pjesën më të madhe të pushimeve tuaja duke u shtrirë në divan me pizhame pa nxituar për të bërë diçka. Papritmas ju duhet të ngriheni në errësirë, në të ftohtë, në orët e hershme të mëngjesit, të vishni diçka të arsyeshme për ambient pune dhe të hipni në një makinë/tren/autobus për tu ulur në një zyrë plot me njerëz të tjerë gjatë gjithë ditës. Tranzicioni mund të jetë i vështirë.

Nëse puna në shtëpi lejohet në vendin ku ju punoni, shfrytëzojeni atë në janar për të pasur një adaptim më të lehtë. Provoni një ditë në zyrë (për të kryer të gjitha takimet e nevojshme dhe për t'u takuar me kolegët), por ndiqni atë me një ditë në shtëpi ku mund të përqendroheni dhe të kujtoni me dashuri të gjitha ato orë që keni kaluar në qetësi.

Hani mirë dhe ushtroni – por me moderim

Shumë njerëz raportojnë se ndihen veçanërisht të stepur dhe kjo mund të jetë pjesërisht për shkak të sasive të bollshme të ushqimit dhe pijeve të konsumuara gjatë festave. Konsumimi i tepërt i sheqerit është lidhur me depresionin, ankthin dhe problemet me të mësuarit dhe kujtesën.

Pavarësisht nëse merrni vendime për Vitin e Ri apo jo, të bëni një përpjekje të përbashkët për të qenë më të shëndetshëm, kjo  nuk mund të jetë kurrë një gjë e keqe. Ushtrimi stimulon endorfinën, hormonet tona të lumturisë, kështu që një vrapim i shkurtër, ecje e shpejtë ose angazhime në palestër para punës mund t'ju bëjë të ndiheni më të sigurt dhe pozitiv për ditën në vazhdim.

Kini pritshmëri realiste për veten tuaj dhe mos e bëni janarin më keq seç duhet të jetë duke e privuar veten nga ushqimet që doni.

Gjeni kohë për veten tuaj

Ju mund të jeni të prirur ta bëni vitin 2024 vitin që më në fund do të arrini çdo gjë që keni vendosur të arrini - por mos e digjni veten në muajin e parë. Me çdo kusht vendosni energjinë tuaj në punën tuaj, por jo gjithë energjinë. Ruani disa për veten dhe njerëzit që doni. Qoftë nëse merrni kohë për një shëtitje çdo ditë, për të lexuar një libër ose për të bërë një dush të qetë. Shkenca tregon se truri ynë është në të vërtetë më aktiv në periudhat e pushimit. Pikërisht në këto momente të qeta ne jemi në gjendje të mendojmë në mënyrë më kreative. Pra, nëse jeni të mbërthyer në diçka në punë, largimi prej saj mund të jetë më produktiv sesa të kaloni orët shtesë.

Rregulloni tavolinën tuaj dhe rishikoni strukturën tuaj

Kthimi në punë pas pushimeve mund të jetë edhe më keq nëse tavolina juaj është e rrëmujshme ose nëse organizimi juaj është i pakëndshëm. Nëse keni pasur pushime aktive dhe keni kaluar kohën jashtë duke vizituar vende të ndryshme dhe ta gjeni veten të ulur në një tavolinë brenda mund të jetë e vështirë për mendjen dhe trupin tuaj. Andaj organizimi i tavolinës së punës ju bën të ndiheni më rehat dhe më produktivë në tavolinën e punës./AkademiPune