Fundjava e fundit e muajit mars do të mbyllet me temperatura të larta në të gjithë Shqipërinë. Sipas sinoptikanës Rezarta Xhakollari temperaturat do të kapin vlerën e 30 gradë Celsius në zonat e ulëta dhe ato malore. Sa i takon muajit prill, ajo thotë se ditët e para do të shoqërohen me mot kryesisht të qëndrueshëm, por nuk do të mungojnë as reshjet e shiut në gjithë vendin, ndërsa një rikthim pritet të ketë edhe rëra afrikane, e cila mbuloi Shqipërinë disa ditë më parë. Muaji i dytë i pranverës do të jetë një muaj i lagësht dhe me luhatje temperaturash. /Rtsh